ვფლობ სიტუაციას, ყველას უტარდება ჰოსპიტალური სამედიცინო დახმარება - ამირან გამყრელიძე

დაავადებათა კონტროლის ცენტრის დირექტორი, ამირან გამყრელიძე ამბობს, რომ კორონავირუსით ინფიცირებული ადამიანების საავადმყოფოში გადაყვანის მიმართულებით გარკვეული პრობლემები არის, თუმცა ის მაინც ფიქრობს, რომ ქვეყანაში ყველა პაციენტს ჰოსპიტალური სამედიცინო დახმარება უტარდება.

"ვფლობ სიტუაციას, არის ხოლმე გარკვეული დაყოვნებები გადაყვანის,  არის გარვკეული პრობლემები, მაგრამ ვფიქრობ, რომ მაინც, ძირითადად ყველა ადამიანს ეწევა სამედიცინო დახმარება ჰოსპიტალური, ვისაც ეს სჭირდება, იმიტომ რომ დღეს ჰოსპიტლებში საკმაოდ დიდი რაოდენობა - 6000-მდე ადამიანი არის, ანუ სადღაც, აქტიური შემთხვევების 30-34%-ია ჰოსპიტლებში", - ამბობს ამირან გამყრელიძე. 

აქვე გეტყვით, რომ სულ უფრო იზრდება იმ ადამიანების, რიცხვი, ვისაც ჰოსპიტალური სამედცინო დახმრება ესაჭიროება, თუმცა, მათ კლინიკები ადგილების არ არსებობის გამო ვერ იღებენ:

• "თერჯოლამედიში" კორონავირუსით ინფიცირებული პაციენტი ადგილების არ ქონის გამო ვერ მიიღეს.  
• ბათუმის ერთ-ერთ კლინიკაში მისული ქალი, რომელსაც მაღალი ტემპერატურა ჰქონდა და კორონავირუსთან ინფიცირებულის კონტაქტი იყო, საავადმყოფოში ადგილის არარსებობის გამო ვერ მიიღეს.
• კორონავირუსითა ინფიცირებული ახალგაზრდა, რომელსაც რამდენიმე დღის წინ მაღალი ტემპერატურა ჰქონდა, სასწრაფო დახმარების ჯგუფი არც ბინაზე მივიდა და ა0დგილების არ არსებობის გამო ახალგაზრდა ვერც საავადმყოფოში გადაიყვანეს.

ცნობისთვის, ბოლო 24 საათში საქართველოში კორონავირუსით ინფიცირების 3 801 ახალი შემთხვევა დადასტურდა, დამატებით 3 200 ადამიანი გამოჯანმრთელდა, ხოლო 39 პაციენტი გარდაიცვალა.