განიხილება საარჩევნო კანონმდებლობის ცვლილებები, დეტალებში ვერ შევალთ - კობახიძე
გამოქვეყნდა:
6 საათიანი მოლაპარაკებების შემდეგ, ირაკლი კობახიძე ამბობს, რომ განიხილება საარჩევნო კანონმდებლობის ცვლილება.
“ ზოგადად შემიძლია გითხრათ, რომ განიხილება საარჩევნო კანონმდებლობის ცვლილებები. ამაზე არაერთი კომენტარი გავაკეთეთ, ახლაც შემიძლია დავადასტურო. უბრალოდ აქაც დეტალებში ვერ შევალთ გამომდინარე იმ პირობებიდან, რომელიც გვაქვს შეთანხმებული, მათ შორის ელჩების წინაშე, “- ირაკლი კობახიძე
ცნობისთვის, არჩილ თალაკვაძემ თქვა, რომ განმეორებით არჩევნებს "ოცნება" არ განიხილავს.
6 საათი მოლაპარაკებები ელჩების ჩართულობით ამერიკის ელჩის რეზიდენციაში გაიმართა. ცნობილია, რომ ხვალ მეოთხე რაუნდი გაიმართება, სადაც შალვა ნათელაშვილმა , პირადად ბიძინა ივანიშვილის "გამოცხადება" მოითხოვა.
ოპოზიციის ლიდერები ამბობენ, რომ არის პრინციპული პუნქტები, რომელზეც ჯერჯერობით შეთანხმება ვერ ხერხდება. გრიგოლ ვაშაძემ კი თქვა, რომ მთავარ საკითხებზე ჯერ კომპრომისი ჰორიზონტზე არ ჩანს.
