სავაჭრო ცენტრებს მუშაობა განახლდა, დილიდან რიგებია თბილისის თითქმის ყველა დიდ სავაჭრო ცენტრთან, სადაც მომხმარებლები დილის 7 საათიდან მივიდნენ. ვიზიტორთა სიმრავლემ "თბილისი მოლთან" საცობიც წარმოქმნა, საპარკინგე ადგილები კი, გადავსებულია.
რიგების დარეგულირება და შესაბამისი რეკომენდაციების დაცვა ახლა თავად სავაჭრო ცენტრების პასუხისმგებლობაა.
რობოტი პეპერი 24 დეკემბრიდან "სითი მოლში" მისულ მომხმარებელს სიცხეს გაუზომავს, სიმპტომებს შეუმოწმებს და თავის დასაცავად ზოგად რეკომენდაციებს გააცნობს.
სავაჭრო ობიექტები 24 დეკემბრიდან 2 იანვრის ჩათვლით, დილის 7-დან საღამოს 7 საათამდე იმუშავებენ, ახალი რეგულაციის მიხედვით, მკაცრად აკრძალულია სავაჭრო ობიექტებში მომხმარებელთა გადაჭარბებული რაოდენობის დაშვება. 20 კვადრატულ მეტრზე მხოლოდ ერთი ადამიანი უნდა შევიდეს. თუ სავაჭრო ცენტრები დადგენილი წესებიდაან, რომელიმეს მაინც დაარღვევენ ადმინისტრაციული წესით, 10 000 ლარით დაჯარიმდებიან.
აქვე გეტყვით, რომ მთავრობის გადაწყვეტილებით, 24 დეკემბრიდან 2 იანვრის ჩათვლით შეზღუდვები სრულად არ შემსუბუქდება. კერძოდ,
24 დეკემბრიდან 2 იანვრის ჩათვლით აკრძალულია:
- მუნიციპალური ტრანსპორტით გადაადგილება დიდ ქალაქებში;
- საქალაქთაშორისო ტრანპორტით გადაადგილება;
- ბაზრობების ფუნქციონირება;
- აკრძალულია სავაჭრო ცენტრებში კვების ობიექტების ფუნქციონირება;
- რესტორნების ფუნქციონირება. მხოლოდ სასტუმროების რესტორნები იმუშავებენ 21:00-მდე;
- აკრძალვად რჩება გადაადგილება 21:00-დან 05:00-მდე.
24 დეკემბრიდან 2 იანვრის ჩათვლით ნებადართულია:
- აგრარული ბაზრების ფუნქციონირება;
- სავაჭრო ცენტერების გახსნა, თუმცა ახალი რეგულაციების ფონზე;
- 31 დეკემბრისა და 7 იანვრის ღამეს გადაადგილება კომენდანტის დროს;
- 21:00 საათამდე სასტუმროების რესტორნების ფუნქციონირება;
