საქართველოს პარლამენტის თავმჯდომარე, არჩილ თალაკვაძე ამერიკის სენატში საგარეო კომიტეტის სხდომაზე საქართველოს შესახებ გამართულ დებატებს ეხმაურება. ის მადლობას უხდის სენატორებს ორპარტიული მხარდაჭერისთვის.
"მადლობას ვუხდი აშშ-ის სენატს საქართველოსთან დაკავშირებით მოსმენის დროს გამოხატული ორპარტიული მხარდაჭერისთვის ქვეყანაში დემოკრატიის გაძლიერების შესახებ. ქართული ოცნების ხელმძღვანელობით საქართველო არის დასავლეთის საიმედო პარტნიორი და საერთო ღირებულებების მტკიცე ერთგული", - დაწერა არჩილ თალაკვაძემ.
თალაკვაძემ სენატორ შაჰინსაც მიმართა და აღნიშნა, რომ აგრძელებენ დემოკრატიულ რეფორმებს საერთაშორისო პარტნიორებთან თანამშრომლობით.
შეგახსენებთ, რომ 23 მარტს ამერიკის სენატში საგარეო კომიტეტის სხდომაზე საქართველოში მიმდინარე პოლიტიკურ კრიზისზე დებატები გაიმართა.
ამავე თემაზე:
- ყოველი დღე, როდესაც ოპოზიციონერები არიან ციხეში, არის გამარჯვება რუსეთისთვის - სენატორი შაჰინი
- მელიას დაკავებამ კრიზისი გაამწვავა - ჯორჯ კენტი
- ზეწოლა სამოქალაქო საზოგადოებასა და მედიაზე, რუსეთის წისქვილზე ასხამს წყალს - მაკდონალდი
- პოლიტიკურ ცხოვრებაზე, მედიასა და მართლმსაჯულებაზე ოლიგარქიული გავლენა იზრდება - სენატორი რიში
