ჩუმლაყში მომხდარ მკვლელობაზე დაკავებულებს ბრალს დღეს ოფიციალურად წარუდგენენ
გამოქვეყნდა:
სოფელ ჩუმლაყში მომხდარ მკვლელობაზე დაკავებულ ორ პირს ბრალს დღეს, 27 მარტს ოფიციალურად წარუდგენენ.
ტურიაშვილების ინტერესების დამცველი ამბობს, რომ საქმის მასალებს უკვე გაეცნო, თუმცა, ჯერ-ჯერობით უცნობია ბრალის ფორმულირება. ადვოკატი უკვე ესაუბრა მისი დაცვის ქვეშ მყოფ პირებს, თუმცა, მათი პოზიციის შესახებ დეტალებზე განმარტებას არ აკეთებს.
შეგახსენებთ, რომ გურჯაანის მუნიციპალიტეტის სოფელ ჩუმლაყში, მკვლელობა 2 დღის წინ მოხდა. ფაქტი კრიმინალური წარსულის მქონე ადგილობრივზე, მალხაზ ბადუაშვილზე, წარსულში მომხდარი მკვლელობის გამო განხორციელებულ შურისძიებას უკავშირდება.
სისხლიანი გარჩევის დროს, თავდამსხმელებმა ბადუაშვილის ავტომობილში ჩაცხრილეს ერთი და დაჭრეს 3 პირი, რომელთა შორის მალხაზ ბადუაშვილიც არის.
ამავე თემაზე:
- "ბადუაშვილს ბევრი მტერი ჰყავს" - ახალი დეტალები ჩუმლაყში მომხდარ მკვლელობაზე;
- მკვლელობა ჩუმლაყში - დაჭრილია ე.წ. კრიმინალური ავტორიტეტი.
ავტორი: ია გულიაშვილი.
