გორში, "გირჩი მეტი თავისუფლების" დაკავებულ აქტივისტებთან შესახვედრად ადვოკატს არ უშვებენ. დაახლოებით ნახევარი საათია, უფლებადამცველი ლექსო მერებაშვილი უშედეგოდ ცდილობს მოინახულოს ზურაბ ხომერიკი და ბადრი გრიგალაშვილი.
მას სამართალდამცველები არ ეუბნებიან, რა მიზეზით უზღუდავენ დაკავებულებს დაცვის უფლებას. ლექსო მერებაშვილის თქმით, შსს კანონს უხეშად არღვევს.
აქციის მონაწილეები მას შემდეგ დააკავეს, რაც მათ გორის პოლიციის შენობის შესასვლელი ავტომობილით ჩაკეტეს. პოლიციამ ავტომობილში შეღწევა საბარგულიდან მოახერხა.
შეგახსენებთ, დღეს "გირჩი მეტი თავისუფლებამ" 6 ქალაქში სუს-ის შენობების შესასვლელები მანქანებით ჩაკეტა. ავტომობილებზე იყო წარწერები ვადამდელი არჩევნებისა და მესამე პრეზიდენტის სამოქალაქო კლინიკაში გადაყვანის მოთხოვნით.
პარტია ამბობს, რომ არჩევნები მოპარულია, ხელისუფლება კი არალეგიტიმური, ამიტომ უწყებების მოთხოვნებზე დამორჩილებას არ აპირებენ.
ამავე თემაზე:
- ზურაბ ჯაფარიძე, რომელმაც ავტომობილით სუს-ის შესასვლელი ჩაკეტა, ტერიტორიიდან ევაკუატორით გაიყვანეს
- ბლოკირებული სუს-ი - თელავში ტორესა მოსი დააკავეს;
- ქვეყნის 6 ქალაქში, სუს-ის ოფისები ბლოკირებულია - "გირჩი- მეტი თავისუფლება;
-
ბლოკირებული სუს-ი - პოლიციამ აქცია- პერფორმანსის მონაწილეები რუსთავშიც დააკავა.
