უკრაინის საგარეო საქმეთა მინისტრი დმიტრო კულება მსოფლიოს მოუწოდებს, რუსეთის შესაჩერებლად დაუყოვნებლივ იმოქმედოს.
"მსოფლიომ დაუყოვნებლივ უნდა იმოქმედოს. ევროპისა და მსოფლიოს მომავალი საფრთხეშია.
იმ საქმეთა სია, რომელიც უნდა შესრულდეს:
1. დამანგრეველი სანქციები რუსეთზე ახლავე, SWIFT-ის ჩათვლით
2. რუსეთის სრული იზოლაცია ყველა საშუალებით, ყველა ფორმატში
3. იარაღი და აღჭურვილობა უკრაინისთვის
4. ფინანსური დახმარება
5. ჰუმანიტარული დახმარება", - წერს დმიტრო კულება Twitter-ზე.
ცნობისთვის, ვლადიმერ პუტინმა უკრაინას ომი გამოუცხადა. კიევში, ხარკოვსა და უკრაინის სხვა ქალაქებში აფეთქებების ხმა ისმის.
შექმნილი ვითარების გამო, უკრაინის პრეზიდენტმა ვოლოდიმირ ზელენსკიმ ქვეყანაში საომარი მდგომარეობა გამოაცხადა.
