მოლაპარაკებების მესამე რაუნდის დაწყებამდე, უკრაინის პრეზიდენტის მრჩეველი, მიხაილო პოდოლიაკი ვიდეომიმართვას ავრცელებს:
"რამდენიმე წუთში დავიწყებთ საუბარს იმ ქვეყნის წარმომადგენლებთან, რომლებსაც სერიოზულად სჯერათ, რომ ფართომასშტაბიანი ძალადობა მშვიდობიანი მოსახლეობის წინააღმდეგ - არის არგუმენტი. მოდით დავამტკიცოთ, რომ ეს ასე არ არის." ამბობს პოდოლიაკი.
მან ასევე კომენტარი გააკეთა მოლაპარაკებების დროს, რუსეთის მხრიდან, სავარაუდო მცდელობაზე, რომ უკრაინის პრემიერმინისტრად მათთვის სასურველი კანდიდატი - ბოიკო დანიშნონ. ის მოსახლეობას მოუწოდებს, ყურადღებას ნუ მიაქცევენ "ყალბ გვარებს" (იანუკოვიჩი, ბოიკო) და ამბობს, რომ ყველაფერი იქნება ისე, როგორც სჭირდება უკრაინას.
შეგახსენებთ, დიალოგის დაწყებამდე კრემლმა კიდევ ერთხელ წამოაყენა თავის პირობები, რა შემთხვევაში შეწყვეტს ომს.
