ლუცკში რუსი ოკუპანტების თავდასხმას მინიმუმ 2 ჯარისკაცი ემსხვერპლა, დაშავდა 6 ადამიანი
გამოქვეყნდა:
ქალაქ ლუცკზე რუსული ავიაციის თავდასხმის შედეგად მინიმუმ 2 უკრაინელი სამხედრო დაიღუპა და 6 ადამიანი დაიჭრა. ამის შესახებ ინფორმაციას ვოლინის ოლქის გუბერნატორი ავრცელებს.
მისი თქმით, ადგილზე სამუშაოები გრძელდება.
"დღეს დილით, დაახლოებით 5 საათსა და 45 წუთზე ოკუპანტებმა ჩვენ სამხედრო აეროპორტზე საჰაერო იერიში მიიტანეს. დაბომბვას 2 სამხედრო ემსხვერპლა, 6 ადამიანი კი მძიმედ დაშავდა. ამ ეტაპზე ტერიტორიის გაწმენდა მიმდინარეობს", - თქვა ვოლინის ოლქის გუბერნატორმა, იური პოგულიაკომ.
მანამდე ქალაქის მერმა გაავრცელა ინფორმაცია, რომ დაღუპული იყო სულ მცირე 1 ადამიანი. მისი თქმით, ქალაქში გაფრთხილების სისტემა არ მუშაობდა, რის მიზეზსაც იკვლევენ.
ამავე თემაზე:
