აშშ იმ რუსი ოლიგარქების სიას აფართოებს, რომლებიც ვაშინგტონის სანქციებში მოექცევიან, რაც მათი ფინანსური რესურსების გაყინვას გულისხმობს. ამის შესახებ შეერთებული შტატების პრეზიდენტმა ჯო ბაიდენმა საგანგებო ბრიფინგზე ისაუბრა.
"ისინი მხარს უჭერენ პუტინს. ისინი პარავენ ფულს რუს ხალხს და ცდილობენ თავიანთი ფულის დამალვას ჩვენს ქვეყნებში. ისინი წარმოადგენენ კლეპტოკრატიის ნაწილის, რომელიც არსებობს მოსკოვში და მათ უნდა გაიზიარონ ამ სანქციების ტკივილი" - ამბობს ბაიდენი ოლიგარქების ახალი სიის შესახებ, რომლებიც სანქციებს დაექვემდებარებიან.
დამატებითი სანქციები, რომლებსაც აშშ რუსეთს უწესებს:
- აშშ-ში აიკრძალება რუსეთიდან ბრილიანტების, ზღვის პროდუქტებისა და ალკოჰოლური სასმელების იმპორტი;
- აშშ, დიდი შვიდეულის ქვეყნებთან ერთად, რუსეთს ჩამოართმევს “სასურველი სავაჭრო პარტნიორის” სტატუსს, რაც განსაკუთრებული სავაჭრო ტარიფების სარგებლობის მოხსნას გულისხმობს;
- ფართოვდება რუსი ოლიგარქების სია, რომლებიც მოექცევიან ვაშინგტონის სანქციებში, რაც მათი ფინანსური რესურსების გაყინვას გულისხმობს.
