"დახურეთ ცა უკრაინის თავზე" - ამ სიტყვებით მთავრდება ვიდეო, რომელიც უკრაინის პრეზიდენტმა კონგრესმენებს აჩვენა. უკრაინა ომამდე და ახლა, ომის დროს. როგორია რუსული აგრესიის შედეგები და რა მდგომარეობაში ჩააგდო აგრესორმა ქვეყანამ მშვიდობიანი მოსახლეობა, ამის ამსახველი ვიდეოკადრები ამერიკელმა პოლიტიკოსებმა დღეს დიდ ეკრანზე ნახეს.
ვოლოდიმირ ზელენსკის კი ტრადიციულად ემოციური გამოსვლა ჰქონდა და კიდევ ერთხელ გააჟღერა ქვეყნის სახელით, მთავარი მოთხოვნები პარტნიორებთან.
ზელენსკის მიმართვა კონგრესს:
- ალბათ გახსოვთ 11 სექტემბერი... ასეთივე გამოცდილება აქვს ჩემს ქვეყანას უკვე 3 კვირაა. ცა გახდა სიკვდილის წყარო - ზელენსკი კონგრესმენებს;
- შეიქმნას არასაფრენი ზონა უკრაინის ცაზე, ბევრია რასაც ვითხოვთ? - ზელენსკი კონგრესმენებს;
- მე თითქმის 45 წლის ვარ. დღეს ჩემი ასაკი გაჩერდა, როდესაც 100-ზე მეტი ბავშვის გულმა ფეთქვა შეწყვიტა - ზელენსკი აშშ-ს კონგრესს;
- მე ვერ ვხედავ სიცოცხლის აზრს, თუ ის ვერ შეაჩერებს სიკვდილს...გისურვებთ იყოთ მსოფლიოს ლიდერი - ზელენსკი ბაიდენს
