რუსეთთან მოლაპარაკებებში მონაწილე, უკრაინის დელეგაციის წევრი რუსტემ უმეროვი უარყოფს გავრცელებულ ინფორმაციას, რომ მოწამლეს:
"მე კარგად ვარ. ეს არის ჩემი პასუხი ყველა ყვითელ ამბავზე, რომელიც გავრცელდა.
გთხოვთ არ ენდოთ გადაუმოწმებელ ინფორმაციას. ჩვენთან საინფორმაციო ომიც მიმდინარეობს.
თავს გაუფრთხილდით. Slava Ukraini!" წერს უმეროვი.
სამშვიდობო მოლაპარაკებებში ჩართულ აბრამოვიჩსა და უკრაინის დელეგაციის წევრებს მოწამვლის სიმპტომები აქვთ - ინფორმაცია ამის შესახებ WSJ-მ წყაროზე დაყრდნობით გაავრცელა.
არსებული ინფორმაციით, უზენაესი რადას დეპუტატი რუსტემ უმეროვი მარტში მოწამლეს, რის გამოც ის დროებით ჩამოცილდა მოლაპარაკებებს.
გავრცელებული ინფორმაციით უმეროვი კიევში მოწამლეს, მაგრამ ის გადარჩა და ახლა "თავს თავს დამაკმაყოფილებლად გრძნობს".
ერთ-ერთი წყაროს ინფორმაციით, დეპუტატთან ერთად სხვა პირებიც დაზარალდნენ. ამასთან, ცალკე ხაზგასმულია, რომ უმეროვის მოწამვლის შემთხვევაში საუბარი არ არის ნოვიჩოკზე.
უკრაინის ხელისუფლება მომხდარზე დახურულ გამოძიებას აწარმოებს - აცხადებს უკრაინული მხარის წყარო.
