”ეს იქნება უკრაინის გამარჯვება, ეს იქნება რუსეთის სტრატეგიული მარცხი” - ამბობს აშშ-ს სახელმწიფო დეპარტამენტის წარმომადგენელი ნედ პრაისი BBC-სთან საუბარში, ომის მოსალოდნელ შედეგებთან დაკავშირებით.
კითხვაზე, აწვდიან თუ არა აშშ და მოკავშირეები უკრაინას საკმარის მძიმე იარაღს, პრაისი პასუხობს - „რაც ჩვენ გავაკეთეთ არის ის, რაც ჩვენს უკრაინელ პარტნიორებს სჭირდებათ რუსული აგრესიის თავიდან ასაცილებლად“.
შეგახსენებთ, უკრაინაში დღეს აშშ-ს თავდაცვის მდივანი ლოიდ ოსტინი და სახელმწიფო მდივანი, ენტონი ბლინკენი ჩადიან. ამის შესახებ ინფორმაცია პრეზიდენტმა ზელენსკიმ გუშნდელ პრესკონფერენციაზე გაავრცელა. ვიზიტთან დაკავშირებით დეტალები ჯერჯერობით არ ხმაურდება.
