ევროკომისიის პრეზიდენტმა, ურსულა ფონ დერ ლაიენმა ევროკავშირის სანქციების მე-6 პაკეტის დეტალებზე ისაუბრა, რომელიც უახლოეს დღეებში იქნება შეთანხმებული.
მან რუსეთის წინააღმდეგ სანქციების 4 განსხვავებული ტიპი ჩამოთვალა:
- "ჩვენ ვიცით ვინ ხართ, ამას თავს ვერ დააღწევთ" - რუსი სამხედრო მაღალჩინოსნები, რომლებმაც ჩაიდინეს ომის დანაშაულები ბუჩასა და მარიუპოლში, სამიზნე უნდა გახდნენ.
- Sberbank, რუსეთის უმსხვილესი ბანკი, უნდა გაითიშოს SWIFT საბანკო გადარიცხვების სისტემიდან.
- 3 მსხვილი სახელმწიფო საკუთრებაში არსებული რუსული მაუწყებელი ევროკავშირში შეწყვეტს საკაბელო, სატელიტურ ან ინტერნეტ მაუწყებლობას - "რუპორი, რომელიც აძლიერებს პუტინის ტყუილს".
- რუსულ ნავთობზე დამოკიდებულების დასრულება - "ადვილი არ იქნება, მაგრამ ჩვენ უბრალოდ უნდა გავაკეთოთ ეს".
ფონ დერ ლაიენის თქმით, მთელი რუსული ნავთობი ეტაპობრივად გაუქმდება. ნედლი ნავთობი ეტაპობრივად შემცირდება 6 თვეში, ხოლო რაფინირებული პროდუქტები 2022 წლის ბოლოს.
