ჩვენთან ერთად მოიპოვეთ თავისუფლება!
რუსეთმა საუკუნეში პირველად საგარეო ვალზე დეფოლტი განიცადა. ეს დასავლური სანქციების კულმინაციაა, რამაც საზღვარგარეთის კრედიტორებისთვის გადახდის გზები დაბლოკა. ინფორმაციას Bloomberg ავრცელებს.
მედიის ცნობით, რუსეთი დაწესებული სანქციებისთვის გვერდის ავლის საშუალებებს პოულობდა, თუმცა კვირა დღის ბოლოს, დაახლოებით 100 მილიონი აშშ დოლარის ოდენობის საპროცენტო გადასახადების საშეღავათო პერიოდი დასრულდა, რომელიც 27 მაისს უნდა განხორციელებულიყო. მისი არ გადახდა, ავტომატურად დეფოლტად ითვლება.
Bloomberg წერს, რომ ეს ნიშნავს ქვეყნის ეკონომიკურ, ფინანსურ და პოლიტიკურ გარიყვას. ბანკის საგარეო რეზერვები გაყინული რჩება უმსხვილესი ბანკები კი გლობალური ფინანსური სისტემიდან გათიშულია.
თუმცა, ეკონომიკისა და ბაზრებისთვის უკვე მიყენებული ზიანის გათვალისწინებით, დეფოლტი ახლა უფრო სიმბოლურია და ნაკლებად მნიშვნელოვანია რუსებისთვის, რომლებიც ორნიშნა ინფლაციასა და წლების განმავლობაში ყველაზე უარეს ეკონომიკურ ვარდნას უმკლავდებიან.
