აქვს გეგმა და ეტაპობრივად გააჟღერებს, ხელისუფლების ყველა შტოს ამხელს - გოგაშვილის ადვოკატი
გამოქვეყნდა:
ე.წ. მოდულის შენობაში სუს-ის ყოფილი მაღალჩინოსანი, სოსო გოგაშვილი ადვოკატმა მოინახულა. დიმიტრი ღონღაძის თქმით, გოგაშვილს აქვს გარკვეული გეგმა და ეტაპობრივად დაიწყებს იმ ინფორმაციის გასაჯაროებას, რომელსაც დაკავებამდე აანონსებდა.
როგორც ადვოკატმა აღნიშნა, მასალები სავარაუდოდ, 25 ივლისს გასაჯაროვდება.
"გვქონდა ჩვენ საუბარი დამატებით და მის მიერ იქნა გაცხადებული, რომ იგი ფლობს ინფორმაციას, მას აქვს გარკვეული გეგმა და ნელ-ნელა ეტაპობრივად გააჟღერებს. ეს ინფორმაციები არ შეეხება მარტო არჩევნებს, მისი განმარტებით, ის მოახდენს ხელისუფლების ყველა შტოს მხილებას", - თქვა დიმიტრი ღონღაძემ.
შეგახსენებთ, სოსო გოგაშვილი სპეცოპერაციის შედეგად 16 ივლისს დააკავეს. მას გამოძიება სსკ-ის სამი მუხლით გათვალისწინებული დანაშაულის ჩადენას ედავება, მათ შორის არის იარაღის უკანონო შეძენა-შენახვა-ტარება, სამსახურებრივი უფლებამოსილების გადამეტება და პერსონალური ინფორმაციის ხელყოფა. გოგაშვილს ოფიციალურად ბრალს სავარაუდოდ, დღეს, დღის მეორე ნახევარში წაუყენებენ.
ასევე იხილეთ:
- "ის დღეს არის პოლიტიკური პატიმარი... ამდენი წელი რას აკეთებდნენ, თუ დამნაშავე იყო?!" | სოსო გოგაშვილის შვილები
- "საქართველოში იმედი არ მაქვს, რომ სიმართლეს დავამტკიცებთ, თუ როგორ ჩაუდეს ჩემს მეუღლეს ორი იარაღი..." - გოგაშვილის ცოლი
- ლოყა აქვს შეშუპებული, დაზიანებები აქვს იდაყვის არეში, ფეხებზე აღენიშნება სისხლნაჟღენთები - სოსო გოგაშვილის ადვოკატი
- "გოგაშვილს გაშლილ ხელებზე უდებდნენ კონკრეტულ იარაღს, სავარაუდოდ, ანაბეჭდებისა და დნმ-ის გადატანის მიზნით" - ადვოკატი
- დოკუმენტი გასაჯაროვდება დაახლოებით 10 დღის განმავლობაში...ასახავს მტკიცებულებას რამდენიმე არჩევნების გაყალბებაზე | გოგაშვილის ადვოკატი
- გოგაშვილის გახმაურებული საქმეები - ყოფილი მაღალჩინოსანი დაკავებამდე "ოცნებას" დაემუქრა
