ამერიკის ელჩმა გაეროში განაცხადა, რომ რაკეტების აფეთქება უკრაინის ტერიტორიაზე რუსეთის პრეზიდენტ პუტინის მცდელობა და განზრახული ტაქტიკაა, რომ "გაყინოს კიევი მორჩილებაში".
ლინდა თომას-გრინფილდმა საბჭოს ხუთშაბათს უთხრა:
"ეს ტრაგედია არასდროს მოხდებოდა, რომ არა რუსეთის უაზრო შეჭრა უკრაინაში და მისი ბოლოდროინდელი სარაკეტო თავდასხმები უკრაინის სამოქალაქო ინფრასტრუქტურაზე. როგორც ჩანს, მან გადაწყვიტა, რომ თუ ძალით ვერ დაიკავებს უკრაინას, ის შეეცდება ქვეყნის მორჩილებაში გაყინვას".
გაეროს გენერალური მდივნის მოადგილემ პოლიტიკურ საკითხებში, როზმარი დიკარლომ გაიმეორა, რომ თავდასხმები სამოქალაქო პირებზე და სამოქალაქო ინფრასტრუქტურაზე აკრძალულია საერთაშორისო კანონმდებლობით და აღნიშნა, რომ "მძიმე ბრძოლები" გრძელდება დონეცკსა და ლუგანსკში. მან საბჭოს წევრებს უთხრა, რომ ომის დასასრული არ ჩანს.
