უკრაინის პრეზიდენტი, ვოლოდიმირ ზელენსკი ვაშინგტონში ჩავიდა. ინფორმაციას მედია ავრცელებს. ამ დროისთვის ოფიციალური ცნობები და ფოტო-ვიდეო მასალა ჯერ არ გავრცელებულა.
BBC წერს, რომ ინფორმაცია მათ აშშ-ის ოფიციალურმა პირებმა დაუდასტურეს.
ომის დაწყების შემდეგ, ეს პირველი შემთხვევაა, როცა ზელენსკიმ ქვეყანა დატოვა.
ცნობილია, რომ ვაშინგტონში ზელენსკი ამერიკის პრეზიდენტს, ჯო ბაიდენს თბილისის დროით 23:30-ზე შეხვდება. CNN-ის ინფორმაციით, ბაიდენი ზელენსკის ვიზიტისას $1,8 მილიარდი ღირებულების ახალი დახმარების პაკეტს გამოაცხადებს, მედიის ცნობით დახმარების პაკეტში Patriot-ის სისტემაც შევა. CNN რამდენიმე კვირის წინ წერდა, რომ აშშ უკვე ასრულებდა მუშაობას უკრაინაში ამ სისტემის გაგზავნის გეგმაზე.
ბაიდენთან შეხვედრის შემდეგ, ზელენსკი კონგრესში სიტყვით გამოვა.
