თუ არ იქნება დიაგნოსტირებული და ნამკურნალები, შეიძლება მიგვიყვანოს სიკვდილამდე - ექიმი ფინკელი მიხეილ სააკაშვილზე
გამოქვეყნდა:
ამერიკელი გასტროენტეროლოგი, სტიუარტ ფინკელი ამბობს, რომ შექმნილი მდგომარეობის გათვალისწინებით, მიხეილ სააკაშვილის სიკვდილი შესაძლებელია.
თბილისის საქალაქო სასამართლოში მიმდინარე პროცესზე, სადაც ის დისტანციურ რეჟიმში აძლევს ჩვენებას, ამერიკელ ექსპერტს მიხეილ სააკაშვილის ადვოკატმა შეკითხვა დაუსვა - იმ ტიპის მკურნალობით, რასაც სააკაშვილს საქართველოში უტარებენ და გასტროენტეროლოგიური დიაგნოზების გათვალისწინებით, შესაძლებელია თუ არა დადგეს სიკვდილი, თუ არ გაეწევა კვალიფიციური მკურნალობა დასავლურ კლინიკაში, ექიმი ფინკელი პასუხობს:
"ჩემი პასუხი ამ კითხვაზე არის დიახ. წონის 47%-იანი კლება, რომელიც სახეზე გვაქვს და გრძელდება, თუ არ იქნება შესაბამისად დიაგნოსტირებული და ნამკურნალები, ამან შეიძლება მიგვიყვანოს სიკვდილამდე" ამბობს ის.
ადვოკატის დამაზუსტებელ კითხვაზე, რამდენად კატეგორიულია ეს პოზიცია, ფინკელი პასუხობს- "დიახ. კატეგორიულია".
შეგახსენებთ, თბილისის საქალაქო სასამართლოში მიხეილ სააკაშვილისთვის სასჯელის გადავადების, ან გათავისუფლების შუამდგომლობაზე მორიგი პროცესი მიმდინარებს, სადაც იკითხება ამერიკელი გასტროენტეროლოგი სტიუარტ ფინკელი.
იხილეთ ასევე:
- მას აქვს კუჭის კიბოს განვითარების მომატებული რისკი - ამერიკელი ექსპერტი მიხეილ სააკაშვილზე;
- მან მიიღო არასწორი მკურნალობა, შიმშილობასთან კავშირში არ არის - ამერიკელი ექსპერტი მიხეილ სააკაშვილის დიაგნოზებზე;
- კუჭის მეორე ოპერაციის შესახებ ინფორმაცია არ მაქვს, ციხიდან თუ საავადმყოფოდან მიღებულ დოკუმენტებში ნახსენები არ არის - ამერიკელი გასტროენტეროლოგი
