"ქართული ოცნების" თავმჯდომარის, ირაკლი კობახიძის განცხადებით, მესამე პრეზიდენტთან დაკვაშირებით ევროპარლამენტში გამართულ დებატებს არანაირი ფასი არ აქვს. მისი თქმით, ერთმანეთს საკუთარ შეშფოთებას 10 ევროპარლამენტარი უზიარებდა.
"700-კაციან პლენარულ სხდომათა დარბაზში ცნობილი ათი ევროდეპუტატი იჯდა და ერთმანეთს უზიარებდა საკუთარ შეშფოთებას სააკაშვილის ჯანმრთელობასთან დაკავშირებით. ყველამ ძალიან კარგად იცის ვინ არიან ეს ადამიანები და ვის ინტერესებს ლობირებენ ისინი მიხეილ სააკაშვილთან ერთად აქედან გამომდინარე, არავითარი ფასი ბუნებრივია მათ განცხადებებს და ერთმანეთთან გამართულ დებატებს არ აქვს", - თქვა კობახიძემ.
ცნობისთვის, პირველ თებერვალს ევროპარლამენტში მიხეილ სააკაშვილის ჯანმრთელობის მდგომარეობასთან დაკავშირებით დებატები გაიმართა. იხილეთ განცხადებები:
- მოვუწოდებ საქართველოს მთავრობას, მისცენ სააკაშვილს სათანადო მკურნალობის უფლება, ეს შეუნარჩუნებს ქვეყანას ევროპულ სახეს - აუსტერვიჩუსი;
- შევახსენებთ საქართველოს ხელისუფლებას, რომ მას ეკისრება პასუხისმგებლობა ბატონ სააკაშვილის ჯანმრთელობაზე - პალ იონსონი;
- უნდა მოხდეს ბატონი სააკაშვილის პატიმრობის შეჩერება, რათა მან სათანადო მკურნალობა გაიაროს საზღვარგარეთ - ევროპარლამენტარი;
- ის კვდება ციხეში და ამას გავლენა ექნება საქართველოს ევროპულ მომავალზე - ფოტიგა მიხეილ სააკაშვილზე;
- არ იფიქროთ მხოლოდ პოლიტიკური ქულების მოპოვებაზე სააკაშვილის ციხეში დატოვებით, იფიქრეთ დაკარგულ ქულებზეც - გრეგორევა "ოცნებას"
