ხუთშაბათს უკრაინის ქალაქ ბახმუტში რუსეთის თავდასხმას 5 ადამიანი, სამი კაცი და ორი ქალი ემსხვერპლა. ოფიციალური პირების ცნობით, დაშავდა 9 მშვიდობიანი მოქალაქე.
დონეცკის ოლქის პროკურატურის განცხადებით, დაბომბვამ ასევე დააზიანა მრავალი საცხოვრებელი კორპუსი.
უკრაინის ვიცე-პრემიერმა, ირინა ვერეშჩუკმა ბახმუტში დარჩენილ მშვიდობიან მოსახლეობას მოუწოდა სასწრაფოდ დატოვონ ქალაქი.
"გულწრფელად რომ გითხრათ, ძალიან მიკვირს, რომ იქ (ბახმუტში) ჯერ კიდევ 6 000 მშვიდობიანი მოქალაქეა. ისინი, ვინც ბახმუტში დარჩენას არჩევენ, საფრთხეს უქმნიან საკუთარ თავს და საყვარელ ადამიანებს", - დაწერა მან.
მისივე განცხადებით, ეს დამატებით რისკს ქმნის სამხედროებისთვის, რომ თავდაცვისა და უსაფრთხოების ძალებმა გამართულად იმუშაონ ქალაქში.
