"ბოლო კვირებში რუსეთმა, სავარაუდოდ, ისევ შეცვალა მიდგომა. მისი კამპანია ახლა, სავარაუდოდ, უპირველეს ყოვლისა ცდილობს უკრაინელი სამხედროების რაოდენობის შემცირებას, ვიდრე მნიშვნელოვანი ახალი ტერიტორიების ხელში ჩაგდებას"- ამის შესახებ დიდი ბრიტანეთის დაზვერვის ყოველდღიურ განახლებაში ვკითხულობთ.
ბრიტანეთის დაზვერვა წერს, რომ რუსეთის ხელმძღვანელობა, ამას, რა თქმა უნდა, აღიქვამს, როგორც გრძელვადიან ოპერაციას, რომელშიც იმედოვნებენ, რომ "რუსეთის რიცხობრივი უპირატესობა მოსახლეობასა და რესურსებში საბოლოოდ ამოწურავს უკრაინას".
დაზვერვა იხსენებს, რომ 2014 წლიდან რუსეთი ცდილობს თანმიმდევრულად განახორციელოს თავისი სტრატეგიული მიზანი უკრაინასთან მიმართებაში - მასზე კონტროლის დამყარება. მთელი წინა წლებში კრემლი ცდილობდა თავისი დივერსიის მიღწევას ყირიმის ანექსირებით და დონბასში გამოუცხადებელი ომის დაწყებით.
24 თებერვალს რუსეთმა ახალი მიდგომა სცადა და იმედოვნებდა, ძალის გამოყენებით სრულმასშტაბიანი შემოჭრის გზით, მთელ უკრაინას გააკონტროლებდა.
