ომის შესწავლის ინსტიტუტის (ISW) ანალიტიკოსები ამბობენ, რომ კრემლის "რუსიფიკაციის" კამპანია, როგორც ქვეყნის შიგნით, ასევე უკრაინაში, ზიანს თავად რუსეთს აყენებს და ნაციონალისტურ იდეოლოგიას აძლიერებს.
ინსტიტუტის ანგარიშში აღნიშნულია, რომ უკრაინის ომმა საშუალება მისცა ყველაზე აგრესიულ მედიის წარმომადგენლებს გაეერთიანებინათ თავიანთი იდეოლოგია და დაეპროექტებინათ იგი როგორც უკრაინელ ხალხზე, ასევე თავად რუსეთში არასლავურ უმცირესობებზე. ეს ტენდენცია, სავარაუდოდ, გაძლიერდება, რადგან ომი გრძელდება და "შეაღწევს რუსეთის ინტერიერში მომავალი წლების განმავლობაში".
ანალიტიკოსები ამბობენ, რომ რუსი ოფიციალური პირები რეგულარულად "სამიზნეებად" მიგრანტებსა და ეთნიკურ უმცირესობებს განიხილავენ, რეკრუტირებისთვის და შეიარაღებული ძალების ფორმირებისთვის, რასაც "უკრაინაში რუსიფიკაციის სამხედრო ტვირთს გადააქვს თემებზე და ინდივიდებზე, რომლებიც მისი სამიზნეები არიან ქვეყნის შიგნით“.
ქსენოფობიისა და რასიზმის ხშირი შემთხვევები რუსეთის ფედერაციაში, ინსტიტუტის აზრით, ასახავს შიდა რუსიფიკაციის არსს.
ამ კონტექსტში, ექსპერტები იხსენებენ, რუსეთის საგამოძიებო კომიტეტის ხელმძღვანელის, ალექსანდრე ბასტრიკინის მოწოდებას სამხედრო ხელმძღვანელების მიმართ, რომ მათ მიზანმიმართულად გადაეყვანათ მიგრანტები ცენტრალური აზიიდან და კავკასიიდან, რომლებმაც მიიღეს რუსეთის მოქალაქეობა, რადგან ამ მიგრანტებს აქვთ "კონსტიტუციური მოვალეობა დაიცვან ქვეყანა, რომელმაც მიიღო ისინი".
სამხედრო ექსპერტები ყურადღებას ამახვილებენ იმ ფაქტზეც, რომ რუსეთის პრო-ნაციონალისტური საზოგადოება აგრძელებს სისასტიკის განდიდებას და გაზრდილი სასტიკი შემთხვევების დაცვას. მიმოხილვაში ნახსენებია გავრცელებული კადრებიც, სადაც ჩანს როგორი სისასტიკით კლავენ რუსი სამხედროები უკრაინელ ჯარისკაცებს:
"რუსული ჯარების მხრიდან ასეთი ძალადობრივი ტაქტიკის მუდმივი გამოყენება და მათი მხარდაჭერა რუსულ საინფორმაციო სივრცეში ძირს უთხრის პროფესიონალიზმს და დისციპლინას რუსი სამხედროების რიგებში", - ამბობს ISW.
