შეერთებული შტატები გეგმავს, რომ Abrams-ის ტიპის ტანკები უკრაინას სექტემბერში გაუგზავნოს. ამის შესახებ გამოცემა Politico 6 წყაროზე დაყრდნობით წერს.
გამოცემის თანახმად, ტანკები შესაკეთებლად აგვისტოში გერმანიაში გაიგზავნება, პროცესის დასრულების შემდეგ კი პირველი პარტია მომდევნო თვეში კიევში ჩავა.
პირველი პარტია Abrams-ის 6-8 ტანკს მოიცავს. საერთო ჯამში აშშ გეგმავს, რომ უკრაინაში 31 ტანკი გაგზავნოს.
სანამ უკრაინული ჯარები ტანკების გამოყენებას დაიწყებენ, მათ უნდა დაასრულონ წვრთნების 10-კვირიანი კურსი გერმანიაში, გრაფენვუერის არმიის ბაზაზე. New York Times მაისში წერდა, რომ უკრაინელმა სამხედროებმა წვრთნები უკვე დაიწყეს.
Abrams-ის ტიპის ტანკების გადაცემაზე აშშ-ის პრეზიდენტმა ჯო ბაიდენმა 25 იანვარს განაცხადა.
