უნგრეთის საგარეო საქმეთა მინისტრი, პიტერ სიიარტო, რომელიც პეტერბურგში ეკონომიკურ ფორუმზე იმყოფება, ამბობს, რომ უნგრეთი მიიღებს მონაწილეობას უკრაინის მშვიდობის სამიტში, რომელსაც შვეიცარია 15-16 ივნისს უმასპინძლებს.
მან კიდევ ერთხელ გამოხატა იმედგაცრუება, რომ რუსეთი არ მიიღებს მონაწილეობას სამიტში.
"ჩვენ გვჯერა, რომ რეალური შედეგები მიიღწეოდა, ყველა მოლაპარაკების მაგიდასთან რომ ყოფილიყო. ამჯერად ეს ასე არ არის. მაგრამ რადგან ჩვენ პატივს ვცემთ შვეიცარიის სამშვიდობო ძალისხმევას, ჩვენ მონაწილეობას მივიღებთ საგარეო საქმეთა მინისტრის დონეზე", - თქვა პიტერ სიჯარტომ.
ამავდროულად, მან გაიმეორა, რომ უნგრეთი არ აპირებს უკრაინისთვის სამხედრო დახმარების გაწევას - "ჩვენ არ მივიღებთ მონაწილეობას [უკრაინის შეიარაღებული ძალების] იარაღის მიწოდებაში, წვრთნაში ან დაფინანსებაში".
