10 სექტემბერს აშშ-ის პრეზიდენტმა, ჯო ბაიდენმა თქვა, რომ მისი ადმინისტრაცია მუშაობს გზაზე, რათა მოხსნას შეზღუდვები უკრაინის მიერ რუსეთის წინააღმდეგ ომში შორი დისტანციური იარაღის გამოყენებაზე.
კითხვაზე, მოხსნის თუ არა აშშ შეზღუდვებს უკრაინის მიერ რუსეთის წინააღმდეგ ომში შორ მანძილზე მოქმედი იარაღის გამოყენებაზე, ჯო ბაიდენმა უპასუხა, რომ მისი ადმინისტრაცია ამ საკითხს "ახლა ამუშავებს".
კონგრესში რესპუბლიკელების ჯგუფმა წერილობით მიმართა პრეზიდენტ ბაიდენს და მოუწოდა, გააუქმოს შეზღუდვები აშშ-ის მიერ მიწოდებული შორი დისტანციური იარაღის სისტემების გამოყენებაზე. 9 სექტემბრით დათარიღებული წერილი ეხმიანება უკრაინის მთავრობის, მათ შორის პრეზიდენტის განმეორებით მიმართვებს. ის გაიგზავნა სახელმწიფო მდივნის, ენტონი ბლინკენს კიევში ვიზიტის წინ.
აშშ-ის ოფიციალური პირები ელიან, რომ ბლინკენი შეაგროვებს ინფორმაციას კიევში ვიზიტის დროს იმაზე, თუ როგორ აისახება შორ მანძილზე დარტყმები უკრაინის უფრო ფართო ბრძოლის სტრატეგიაზე.
დიდი ბრიტანეთი ასევე განიხილავს, დაუშვას თუ არა უკრაინის მიერ რუსეთის შიგნით უფრო ღრმად დარტყმა საკუთარი შორეული სისტემის, Storm Shadow-ის გამოყენებით. ბლინკენის თქმით, მოელის, რომ ეს თემა განიხილება, როდესაც ბაიდენი და დიდი ბრიტანეთის პრემიერ მინისტრი კირ სტარმერი შეხვდებიან პარასკევს ვაშინგტონში.
