აშშ-ის პრეზიდენტის მრჩეველი ეროვნული უსაფრთხოების საკითხებში, მაიკ უოლცი აცხადებს, რომ რუს კოლეგას "მომდევნო დღეებში" შეხვდება. ეს განცხადება უოლცმა აშშ-ის სახელმწიფო მდივანთან, მარკო რუბიოსთან ერთობლივ ბრიფინგზე გააკეთა, რომელიც მას შემდეგ გაიმართა, რაც აშშ-უკრაინის დელეგაციებს შორის საუდის არაბეთში შხვედრა დასრულდა.
"ვაპირებთ, რომ რუსულ მხარეს მომდევნო ნაბიჯებთან დაკავშირებით, შევხვდეთ. უახლოეს დღეებში ჩემს რუს კოლეგას გავესაუბრები. უახლოეს რამდენიმე დღეში მარკო რუბიო შეხვდება დიდი შვიდეულის საგარეო საქმეთა მინისტრებს. 13 მარტს თეთრ სახლს ეწვევა NATO-ს გენერალური მდივანი და ჩვენ პროცესის შემდგომ განვითარებაზე ვიმუშავებთ", - თქვა უოლცმა.
ამავე თემაზე:
"ბურთი ახლა მათ მოედანზეა" | რუბიოს თქმით, რუსეთმა უნდა აჩვენოს მშვიდობისკენ მზაობა
