ომბუდსმენი დელიმიტაციის კომისიის წევრების სამართლებრიბი დევნის საქმეს შეისწავლის

საქართველოს სახალხო დამცველი საქართველო-აზერბაიჯანის დელიმიტაცია-დემარკაციის კომისიის წევრების მიმართ დაწყებული სისხლის სამართლებრიბი დევნის საქმეს შეისწავლის - ამის შესახებ ინფორმაცია, ნინო ლომჯარიამ ფეისბუქზე გამოქვეყნა. 

"შესწავლის პროცესში ჩვენ ვითანამშრომლებთ როგორც დაცვის მხარესთან, ასევე, ინფორმაციას გამოვითხოვთ საქართველოს პროკურატურისგან.

სახალხო დამცველის შესწავლის საგანი იქნება როგორც საპროცესო უფლებების დაცვა, ასევე, ბრალად წარდგენილი ქმედების მართლზომიერების საკითხი.

საკითხის სენსიტიურობიდან და მის მიმართ მაღალი საზოგადოებრივი ინტერესიდან გამომდინარე, მნიშვნელოვანია უზრუნველყოფილი იყოს გამოძების გამჭვირვალობა და პროცესის მონაწილე პირების კონსტიტუციითა და საერთაშორისო სამართლით გარანტირებული უფლებების დაცვა" - წერს ნინო ლომჯარია. 

შეგახსენებთ, საუბარია ივერი მელაშვილის დაკავებაზე, რომელიც საგამოძიებო უწყებაში გამოკითხვაზე მივიდა  პროკურატურამ კი, დააკავა. მასთან ერთად დააკავეს ნატალია ილიჩოვაც. მელაშვილი კი, წლების განმავლობაში სადელიმიტაციო კომისიის ექსპერტების ჯგუფის ხელმძღვანელი იყო. 

მელაშვილის დაკავებას გამოეხმაურნენ, როგორც პოლიტიკოსები, ასევე მთავარი არხის გენერალური დირექტორი ნიკა გვარამია. 

თავის მხრივ მმართველი გუნდიდან,  კახა კალაძე, დავითგარეჯის საკითხზე ოპონენტებს მოუწოდებს,  პოლიტკური შეფასება შეწყვიტონ, რადგან ამ საქმეს, "ქართული ოცნების" გარდა, ყველა, პოლიტიკური ანგარიშსწორებისა და წინასაარჩევნო კამპანიის ნაწილად აღიქვამს.