საქართველოს პრეზიდენტი, სალომე ზურაბიშვილი, ამერიკის ახლადარჩეულ პრეზიდენტს, ჯო ბაიდენს, არჩევნებში გამარჯვებას ულოცავს Twitter-ზე.
"ვულოცავ ჯო ბაიდენს! საქართველოს, კავკასიის რეგიონსა და მსოფლიოს სჭირდება თავისუფალი, ძლიერი და დემოკრატიული ამერიკა. მოუთმენლად ველით თქვენთან თანამშრომლობასა და ჩვენ ორ ერს შორის კავშირის გამყარებასა და გაღრმავებას", - წერს ზურაბიშვილი.
აქვე, ჯო ბაიდენს გამარჯვება გიორგი გახარიამ და დავით ზალკალიანმაც მიულოცეს.
შეგახსენებთ, ამერიკის შეერთებული შტატების 46-ე პრეზიდენტი დემოკრატი ჯო ბაიდენი გახდა.
