"ოცნების" წევრთა ოცნებები და ერთმანეთის ქება ერთპარტიულ პარლამენტში

ერთპარტიულ პარლამენტში, მინისტრთა კაბინეტის მოსმენაზე, "ოცნების" წევრები ხან ერთმანეთს აქებენ, ხან აინტერესებთ, მართლა არსებობს თუ არა ქვეყანაში შიმშილით სიკვდილის შემთხვევა, ზოგჯერ ინიციატივებითაც გამოდიან, რომელთაგან ერთერთი საქართველოს დისტანციური სწავლების ჰაბად ჩამოყალიბებაა. 

• "მე მაინც მითხარით, ამხელა გამოცდილება და ამხელა ცხოვრება გამოვიარე, ამდენი ინფორმაცია მაქვს, ჩვენთან შიმშილით სიკვდილის შემთხვევა, კახექსიური, არსებობს თუ არა და ერთი მაგალითი თუ არის", - იკითხა ლადო კახაძემ. 
   
• "ხშირად არის საუბარი ბავშვთა შიმშილობაზე. ეს არასწორი ტერმინია... რეალობას არ ასახავს. უფრო სწორი იქნება, რომ ბავშვთა არასრულფასოვან კვებაზე ვისაუბროთ", - თქვა დიმიტრი ხუნდაძემ.
   
• "ჩვენ გვინდა, რომ შევურიგდეთ ჩვენს მეზობლებს და გავაერთიანოთ და გავამთლიანოთ საქართველო", - თქვა დავით კაჭარავამ.
   
• "მე ვფიქრობ, რომ სკოლებში მუსიკალური აღზრდაც უნდა შემოვიდეს პროფესიონალურად. შეიძლება უმაღლეს დონეზე არ იყოს ყველა სკოლაში, მაგრამ ბავშვი, რომელიც ეხება მუსიკას, მოცარტისა და ბეთჰოვენის ჰანგებს, ის არ შეიძლება მომავალში ცუდი ადამიანი იყოს", - თქვა ელისო ბოლქვაძემ.
   
• "ბატონო მიხეილ, იმდენი რამე გაგიკეთებიათ ამ ხნის განმავლობაში, ყველაზე მეტი პრეტენზია რაზეც მაქვს, რატომ არ იცის ეს ხალხმა?", - იკითხა ირმა ზავრადაშვილმა.
   
• "სამომავლოდ გვეფიქრა და დისტანციური სწავლების ჰაბად ჩამოგვეყალიბებინა საქართველო", - თქვა გიორგი ამილახვარმა.

შეგახენებთ რომ ერთპარტიულ პარლამენტში მეორე დღეა, მინისტრთა კაბინეტის წევრებს უსმენენ.