გადარჩენის ბოლო შანსი წაგვართვეს - ბაზრობებისა და რესტორნების მფლობელები ახალ შეზღუდვებს აპროტესტებენ
გამოქვეყნდა:
რესტორნებისა და ღია ბაზრობების მფლობელებისთვის სრულიად გაუგებარია საკოორდინაციო საბჭოს დღევანდელი გადაწყვეტილება, რომლის მიხედვითაც, მოლები იხსნება, ღია ბაზრობები კი - არა.
მათ ისიც არ ესმით, თუ რესტორნების გახსნა არ იგეგმებოდა, რატომ ამზადებდნენ მათ გახსნისთვის. ამ ორი სეგმენტის მფლობელები მიიჩნევენ, რომ ეს "უგუნური და არაკომპეტენტური" გადაწყვეტილებაა, რომელიც ღია ბაზრობებისა და რესტორნების მფლობელებს გადარჩენის ბოლო შანსს ართმევს.
ვიღაც არაკომპეტენტურმა მიიღო გადაწყვეტილება, რატომ ხდება ასე, გაუგებარია. შეუძლიათ გადახედონ სტატისტიკას, ყველგან ისე ხდება, რომ ღია სივრცეში უფრო ნაკლები ალბათობაა ვირუსის გავრცელების, ვიდრე მოლებში. ზარალი სახეზეა და მომავალიც გაურკვეველია, - ამბობს ერთერთი რესტორნის მფლობელი.
შეგახსენებთ, მთავრობის გადაწყვეტილებით, 24 დეკემბრიდან 2 იანვრის ჩათვლით შეზღუდვები სრულად არ შემსუბუქდება. კერძოდ,
24 დეკემბრიდან 2 იანვრის ჩათვლით აკრძალულია:
- მუნიციპალური ტრანსპორტით გადაადგილება დიდ ქალაქებში;
- საქალაქთაშორისო ტრანპორტით გადაადგილება;
- ბაზრობების ფუნქციონირება;
- აკრძალულია სავაჭრო ცენტრებში კვების ობიექტების ფუნქციონირება;
- რესტორნების ფუნქციონირება. მხოლოდ სასტუმროების რესტორნები იმუშავებენ 21:00-მდე;
- აკრძალვად რჩება გადაადგილება 21:00-დან 05:00-მდე;
- 25 დეკემბერს ვინც შობას აღნიშნავს, მათთვის გადაადგილება საშვის გარეშე.
