ხელისუფლების შეცდომებს გადაყოლილი ათასობით სამუშაო ადგილი და ჩაძირული ბიზნესი - რესტორატების პროტესტი
გამოქვეყნდა:
24 დეკემბრიდან მოლები იხსნება, მაგრამ ურთულესი დათქმებითა და რეგულაციებით: 20 კვ. მეტრზე მხოლოდ ერთი ადამიანი. მათ ეძლევათ საშუალება, დილის 7-დან საღამოს 7 საათამდე იმუშაონ. ნაწილობრივ გაიხსნება რესტორნებიც, მაგრამ რამდენიმე დღით რეგულაციების მოხსნა ბიზნესის ამ სექტორს დიდ შეღავათს ვერ აძლევს.
რესტორატორები ამბობენ, რომ მათთვის გაუგებარია საკოორდინაციო საბჭოს გადაწყვეტილება მაშინ, როცა სწორედ რესტორნებში იცავდნენ მკაცრად რეგულაციებს.
ჩვენ ვითხოვდით, რომ მუშაობის დასრულება 22.00 საათამდე გადაწეულიყო, მაგრამ ამას ვერ შევცვლით, ასეთი მოცემულობაა და მას უნდა მოვერგოთ, - ამბობს ერთერთი მოლის დირექტორი.
შეგახსენებთ, მთავრობის გადაწყვეტილებით, 24 დეკემბრიდან 2 იანვრის ჩათვლით შეზღუდვები სრულად არ შემსუბუქდება. კერძოდ,
24 დეკემბრიდან 2 იანვრის ჩათვლით აკრძალულია:
- მუნიციპალური ტრანსპორტით გადაადგილება დიდ ქალაქებში;
- საქალაქთაშორისო ტრანპორტით გადაადგილება;
- ბაზრობების ფუნქციონირება;
- აკრძალულია სავაჭრო ცენტრებში კვების ობიექტების ფუნქციონირება;
- რესტორნების ფუნქციონირება. მხოლოდ სასტუმროების რესტორნები იმუშავებენ 21:00-მდე;
- აკრძალვად რჩება გადაადგილება 21:00-დან 05:00-მდე.
