მონატრებული შოპინგი 10.000-იანი ჯარიმის შიშმაც ვერ გადასძალა - მოლებთან ისევ რიგებია
გამოქვეყნდა:
1 საათზე ნაკლები დროა დარჩენილი იმისათვის, რომ მოქალაქეებმა და ადმინისტრაციის წარმომადგენლებმა მოლების ტერიტორია დატოვონ, წინააღმდეგ შემთხვევაში, ისინი, ადმინისტრაციული წესით, 10 000 ლარით დაჯარიმდებიან.
მთელი დღის განმავლობაში, რიგებს და რეგულაციებს მოლებში მეტ-ნაკლებად აკონტროლებდნენ, თუმცა საღამოს საათებში, მომხმარებელმა იმდენად იმატა, რომ ახლა ქუჩებშიც და მოლებშიც რეგულაციის დაცვა სულ უფრო რთულდება.
შეგახსენებთ, რომ დღეს სავაჭრო ცენტრებს მუშაობა განახლდა. სავაჭრო ობიექტები 24 დეკემბრიდან 2 იანვრის ჩათვლით, დილის 7-დან საღამოს 7 საათამდე იმუშავებენ, ახალი რეგულაციის მიხედვით, მკაცრად აკრძალულია სავაჭრო ობიექტებში მომხმარებელთა გადაჭარბებული რაოდენობის დაშვება. 20 კვადრატულ მეტრზე მხოლოდ ერთი ადამიანი უნდა შევიდეს. თუ სავაჭრო ცენტრები დადგენილი წესებიდაან, რომელიმეს მაინც დაარღვევენ ადმინისტრაციული წესით, 10 000 ლარით დაჯარიმდებიან.
აქვე გეტყვით, რომ მთავრობის გადაწყვეტილებით, 24 დეკემბრიდან 2 იანვრის ჩათვლით შეზღუდვები სრულად არ შემსუბუქდება. კერძოდ,
24 დეკემბრიდან 2 იანვრის ჩათვლით აკრძალულია:
- მუნიციპალური ტრანსპორტით გადაადგილება დიდ ქალაქებში;
- საქალაქთაშორისო ტრანპორტით გადაადგილება;
- ბაზრობების ფუნქციონირება;
- აკრძალულია სავაჭრო ცენტრებში კვების ობიექტების ფუნქციონირება;
- რესტორნების ფუნქციონირება. მხოლოდ სასტუმროების რესტორნები იმუშავებენ 21:00-მდე;
- აკრძალვად რჩება გადაადგილება 21:00-დან 05:00-მდე.
24 დეკემბრიდან 2 იანვრის ჩათვლით ნებადართულია:
- აგრარული ბაზრების ფუნქციონირება;
- სავაჭრო ცენტერების გახსნა, თუმცა ახალი რეგულაციების ფონზე;
- 31 დეკემბრისა და 7 იანვრის ღამეს გადაადგილება კომენდანტის დროს;
- 21:00 საათამდე სასტუმროების რესტორნების ფუნქციონირება;
