"..დახმარებას პოლიციასაც სთხოვდა.. მისი განცხადება არ მიიღეს" | ახალი დეტალები ასელ აიტპაევას საქმეში
გამოქვეყნდა:
გაყიდეს თუ არა ყაზახი გოგონა ფულის სანაცვლოდ? პასუხი ჯერაც არ არსებობს. სამაგიეროდ ერთ შეკითხვას ამომუწრავად გაეცა პასუხი - გარდაცვლილზე სხვადასხა პირებმა სექსუალურად რამდენჯერმე, სხვადასხვა პირებმა იძალადეს.
ჩვენს მიერ მოპოვებულ საქმის მასალებში რამდენჯერმე ვხვდებით ეპიზოდს, სადაც გარკვეულ თანხაზეა საუბარი. რაც კიდევ ერთელ ამყარებს ეჭვს - რომ ეს ტრეფიკინგის შემთვევაა.
ასელ აიტპაევას საქმე
ოფიციალური ვერსიით, 26 წლის ყაზახმა გოგონამ ასელ აიტპაევამ 5 მაისს სიცოცხლე თვითმკვლელობით დაასრულა. შსს-მ 6 მაისს დააკავა ბრალდებული, 57 წლის ბესიკ თოდუა, რომელმაც გამოძიების ინფორმაციით, ის გააუპატიურა. პროკურატურამ კი დაკავებულს ბრალი 7 მაისს წარუდგინა. ბრალდებულს თბილისის საქალაქო სასამართლომ აღკვეთის ღონისძიების სახით, პატიმრობა შეუფარდა.
14 მაისს პროკურატურამ ბრალი კიდევ ერთ პირს, ასელ აიტპაევას ნათესავს, მურად მეირბეკოვსაც წარუდგინა. საგამოძიებო უწყების ცნობით, მეირბეკოვმა, რომელმაც ასელ აიტპაევა საქართველოში სამუშაოდ ჩამოიყვანა, გოგონაზე რუსთავში 2-ჯერ იძალადა. უწყება მას საქართველოს სისხლის სამართლის კოდექსის 137-ე მუხლის პირველი ნაწილით გათვალისწინებულ დანაშაულს, 2-ჯერ გაუპატიურებას ედავება. დანაშაული 6-დან 8-წლამდე თავისუფლების აღკვეთას ითვალისწინებს.
სასამართლომ მეირბეკოვს აღკვეთის ღონიძიების სახით პატიმრობა დაუსწრებლად შეუფარდა. პროცედურულად, საქართველოს იუსტიციის სამინისტროს 15 დღე აქვს იმისთვის, რომ ყაზახეთის მთავრობას მეირბეკოვის ექსტრადირების მოთხოვნით მიმართოს.
ასელ აიტპაევას ოჯახი კი დარწმუნებულია, რომ მურად მეირბეკოვმა, გოგონა საქართველოში მოტყუებით ჩამოიყვანა, იძალადა, გაყიდა, შემდეგ კი მოკლა. 26 წლის ყაზახი ქალი ოჯახის წევრები მოითხოვენ, რომ საქმეს კიდევ ერთი, ტრეფიკინგის მუხლიც დაემატოს.
ამავე თემაზე:
- "მითხრა, რომ მურადმა მასზე ორჯერ იძალადა" - გარდაცვლილი გოგოს მეგობრის ჩვენება;
- ჩემი შვილი მიყვებოდა, რომ კიდევ 5 რეისით უნდა ჩამოსულიყვნენ გოგონები - აიტპაევას დედა;
- მკვლელობა თუ თვითმკვლელობა | ყაზახი ქალის გარდაცვალების ახალი დეტალები;
- ახალი ფოტომასალა, ჩვენება და ახალი საეჭვო დეტალები ყაზახი გოგონას გარდაცვალების საქმეში;
- დარწმუნებული ვარ, ის ფანჯრიდან გადმოაგდეს - გარდაცვლილი ყაზახი გოგოს დედა საქართველოშია.
