საქართველოს მესამე პრეზიდენტის უკრაინელი ადვოკატი, ევგენი გრუშოვეცი ამბობს, რომ საქართველოს მთავრობის ქმედება დანაშაულია და ამას ვერც ერთ ცივილიზებულ ქვეყანაში ვერ შეხვდებით.
მისი განცხადებით, მიმდინარე მოვლენებზე ინფორმაციას ევროპულ სასამართლოს მიაწვდიან, ასევე, უახლოეს მომავალში უკრაინის ხელისუფლების ოფიციალურ განცხადებებსაც უნდა ველოდოთ.
"შეშფოთებულები ვართ საქართველოს მთავრობის ქმედებით, ეს დანაშაულია. ექსპერტების მტკიცებით, ეს წამება და ცინიკური დამოკიდებულებაა, მითუმეტეს საქართველოს მთავრობა ამ ქმედებებს წინასაახალწლოდაც აგრძელებს. ამას ვერც ერთ ცივილიზებულ ქვეყანაში ვერ შეხვდებით.
უკრაინელმა ადვოკატებმა ადგილობრივ პოლიტიკოსებთან შეხვედრები გავმართეთ, სადაც დაგვიდასტურეს, რომ საერთაშორისო საზოგადოება მიხეილ სააკაშვილის ირგვლივ განვითარებულ მოვლენებს ყურადღებით აკვირდება, ვფიქრობ, რომ ამას მკაცრი შეფასებები მოჰყვება, რადგან საქართველოს მთავრობის დამოკიდებულება ადამიანების მიმართ იცვლება და ის ავტორიტარული რეჟიმის ქმედებებს ემსგავსება. პოლიტიკური დევნა მიანიშნებს, რომ ხელისუფლება პოლიტიკურ ოპონენტებს ებრძვის", - თქვა ევგენი გრუშოვეცმა.
ცნობისთვის, მიხეილ სააკაშვილი გორის სამხედრო ჰოსპიტლიდან რუსთავის ციხეში გუშინ გვიან ღამით მოულოდნელად გადაიყვანეს. ეტაპირებაზე ინფორმაცია მის ადვოკატებს არ ჰქონდათ. ცოტა ხნის წინ მათ მიხეილ სააკაშვილთან ვიზიტის შემდეგ პირველი კომენტარი გააკეთეს.
ასევე იხილეთ:
- "ცუდად თუ გახდები გზაში, გადაგიყვანთ გლდანშიო" - მიხეილ სააკაშვილს გორიდან გადაყვანისას დაემუქრნენ;
- მიხეილ სააკაშვილი გორის ჰოსპიტლიდან ყალბი დიაგნოზით არის გამოწერილი - ნიკა გვარამია
- ჩასვეს ეტლში, იყო გაბრუებული, როგორც ჩანს საძილე საშუალებები ჰქონდა მიღებული - ნიკა გვარამია მიხეილ სააკაშვილის გორიდან გადაყვანაზე;
- მიხეილ სააკაშვილთან პირისპირ კომუნიკაციის შესაძლებლობას არ გვაძლევენ - ბექა ბასილაია
