ჯო ბაიდენის ადმინისტრაცია დღეს, ხუთშაბათს მოსკოვის წინააღმდეგ სრულმასშტაბიანი სანქციების დაწესებას აპირებს. ამის შესახებ ინფორმაციას ბაიდენის ადმინისტრაციის წევრი CNN-ს უდასტურებს.
მიუხედავად იმისა, რომ ოფიციალურმა პირმა უარი თქვა დეტალების დასახელებაზე, ცნობილია, რომ აშშ აპირებდა რუსეთის ორი უმსხვილესი ბანკის, ასევე სხვა ფინანსური სანქციების გამოყენებას. სანქციებით მას სურს რუსეთს შეუწყდეს წვდომა კრიტიკულ დასავლურ ტექნოლოგიებზე, რაც ეკონომიკისთვის დიდი დარტყმა იქნება.
ასევე სამიზნე იქნება რუსეთის პრეზიდენტის ვლადიმერ პუტინის ახლო გარემოცვის დამატებითი წევრები და მათი ოჯახები.
ოფიციალურმა პირმა თქვა, რომ დისკუსიები დღეს გვიან საღამოს მიმდინარეობს აშშ-სა და ევროპელ ოფიციალურ პირებს შორის პაკეტის საბოლოო ფორმის შესახებ. ეს ასევე იქნება განხილვის თემა G7 ვირტუალურ შეხვედრაზე, რომელიც დაგეგმილია ხუთშაბათს დილით, განაცხადა ოფიციალურმა წარმომადგენელმა.
