უკვე რამდენიმე საათია უკრაინაში რუსეთმა ფართომასშტაბიანი სამხედრო აგრესია დაიწყო. ბომბავს ქალაქებსა და სტრატეგიულ ობიექტებს. მსოფლიო ლიდერები აქტიურად ეხმაურებიან და გმობენ აგრესორის ქმედებებს.
ამ დრომდე საქართველოს ხელისუფლების არც ერთ წარმომადგენელს მიმდინარე მოვლენებთან დაკავშირებით განცხადება არ გაუკეთებია. დუმს პრეზიდენტიც და საგარეო საქმეთა სამინისტროც. ჯერჯერობით უცნობია როდის დააფიქსირებს ოფიციალურ პოზიციას "ოცნების" ხელისუფლება.
