უკრაინის არმია მოხალისეებად 60 წელს გადაცილებულ პირებსაც მიიღებს
გამოქვეყნდა:
უკრაინის თავდაცვის ძალები მოქალაქეებს მოუწოდებენ, შეუერთდნენ სამხედრო ძალებს ასაკის მიუხედაავდ.
"არანაირი ასაკობრივი შეზღუდვა" - ნათქვამია განცხადებაში, რაც მიუთითებს, რომ რეკრუტირებაში შესაძლოა, არასრულწლოვანებიც დაუშვან.
მოგვიანებით, თავდაცვის მინისტრის ალექსეი რეზნიკოვის განცხადება გავრცელდა, რომლის მიხედვითაც, მოხალისეთა რიგებს 60 წელს ზემოთ მოქალაქეებიც შეუერთდებიან:
"მე გადავწყვიტე, უკრაინის შეიარაღებული ძალების ჯარების მეთაურთან შეთანხმებით, ჩამერთო პატრიოტთა ჯარში 60 წელზე უფროსი ასაკის ადამიანები, რომლებიც მორალურად და ფიზიკურად მზად არიან წინააღმდეგობის გაწევისთვის და მტრის დასამარცხებლად", - წერს რეზნიკოვი.
უკრაინის ხელისუფლების ცნობით, რუსეთის შეჭრის დაწყების შემდეგ, დაახლოებით 18,000 საბრძოლო მასალა და იარაღი დაარიგეს კიევის რეგიონში, რეზერვისტებზე.
