რუსეთი აცხადებს, რომ ცეცხლს შეწყვეტს, რათა უკრაინის რამდენიმე ქალაქიდან ევაკუაცია დაიწყოს
გამოქვეყნდა:
რუსეთმა დღეს კიდევ ერთხელ გამოაცხადა ჰუმანიტარული მიზნით ცეცხლის შეწყვეტა, რათა მშვიდობიანმა მოქალაქეებმა რამდენიმე ქალაქიდან ევაკუაცია შეძლონ.
ჰუმანიტარული დერეფნები კვლავ მოეწყობა კიევის, ჩერნიგოვის, სუმის, ხარკოვისა და მარიუპოლის მიმართულებით ადგილობრივი დროით 10:00 საათზე [07:00 GMT]. მოსკოვმა უკვე მესამედ გამოაცხადა ცეცხლის შეწყვეტის შესახებ, თუმცა უმეტესობა ჩაიშალა.
გუშინ უკრაინის ოფიციალურმა პირებმა განაცხადეს, რომ მათ მოახერხეს ქალაქ სუმიდან 5 000 ადამიანის ევაკუაცია. პროცესი დღეს დილითაც გაგრძელდება. სუმი რამდენიმე დღეა რუსეთის სასტიკი დაბომბვის ქვეშ იმყოფება. ადგილობრივი ოფიციალური პირების თქმით, მხოლოდ ორშაბათს 22 ადამიანი, მათ შორის 3 ბავშვი დაიღუპა რუსული საჰაერო თავდასხმების შედეგად.
გაეროს მონაცემებით, უკრაინიდან ლტოლვილთა რაოდენობამ უკვე 2 მილიონს გადააჭარბა.
