ამერიკის შეერთებული შტატების პრეზიდენტი ჯო ბაიდენი მსოფლიო ლიდერებთან შესახვედრად ბრიუსელში ჩავიდა. თეთრი სახლის ლიდერის კუთვნილი ბორტი ნომერი პირველი, ბრიუსელის აეროპორტში, ადგილობრივი დროით, 21 საათზე დაეშვა.
ბაიდენი ნატოსა და "დიდი შვიდეულის" ქვეყნების სამიტებს დაესწრება. ამას გარდა, როგორც ცნობილია, ბაიდენი რუსეთის წინააღმდეგ დამატებით სანქციების გამოცხადებასაც გეგმავს.
ბრიუსელში გაფრენამდე, როდესაც პრეზიდენტი თეთრ სახლს ტოვებდა, ჟურნალისტებმა კითხეს მას - რას ეტყოდა პარტნიორებს, რაზეც ბაიდენმა უპასუხა, რომ ამას მათ პირადად ეტყვის.
