გუშინ, გრემის ამერიკული მუსიკალური დაჯილდოების ცერემონიაზე, საზოგადოებას უკრაინის პრეზიდენტმა, ვოლოდიმირ ზელენსკიმ მიმართა.
"რა ჰგავს მუსიკას ყველაზე ნაკლებად?" - ზელენსკიმ აუდიენციას ჰკითხა და მან თავად უპასუხა: "დანგრეული ქალაქების სიჩუმე და მოკლული ხალხის დუმილი".
"დაგვიჭირეთ მხარი ნებისმიერი გზით, ნუ გაჩუმდებით და შემდეგ მშვიდობა მოვა ჩვენს ქალაქებში", - განაცხადა უკრაინის პრეზიდენტმა.
გრემის ცერემონიაზე ვოლოდიმირ ზელენსკის მიმართვის შემდეგ, მაყურებლის წინაშე უკრაინელი შემსრულებლები წარდგნენ.
