აქ არ არსებობს "სახე", რომელიც უნდა "შენარჩუნდეს", არსებობს ფაშისტური ომის მანქანა, რომელიც უნდა შეჩერდეს - ასე ეხმაურება ფრანგი ევროპარლამენტარი რაფაელ გლუკსმანი უკრაინის პრეზიდენტის განცხადებას საფრანგეთის პრეზიდენტის, ემანუელ მაკრონის შეთავაზებაზე.
გლუკსმანი წერს, რომ "საფრანგეთის აკვიატება, დაეხმაროს პუტინს სახის შენარჩუნებაში, მაშინაც კი თუ ის მოითხოვს დიდ დათმობებს მისგან, ვისაც თავს დაესხა, პათეტიკური და საშიშია".
"მაკრონმა, პუტინის სახის შესანარჩუნებლად, უკრაინის სუვერენიტეტთან დაკავშირებულ დათმობებზე წასვლა შემომთავაზა. ეს არაკორექტულია" - ამის შესახებ უკრაინის პრეზიდენტმა იტალიურ არხთან "რაი ერთთან" ინტერვიუს დროს ისაუბრა.
