უკრაინის შეიარაღებული ძალების საჰაერო ძალების სპიკერმა, იური იგნატმა განაცხადა, რომ "პატრიოტის" საზენიტო სარაკეტო სისტემა ერთი დარტყმით ვერ განადგურდება, თუნდაც ეს იყოს "კინჟალის" რაკეტა.
"მინდა ვთქვა: არ ინერვიულოთ "პატრიოტის" ბედზე. ტექნიკური თვალსაზრისით "პატრიოტი" არის კომპლექსი, ბატარეა, განყოფილება, სისტემა, ყველაფერს სხვანაირად ჰქვია და ვერავინ გაიგებს რისგან შედგება. [...]
და ბოლოს, "პატრიოტს" აქვს რვა-მდე გამშვები, რომელთაგან თითოეულს აქვს ოთხი სატრანსპორტო და გამშვები კონტეინერი, რომლებიც ასევე განლაგებულია გარკვეულ მანძილზე და უკვე უზრუნველყოფს საბრძოლო სამუშაოს - რაკეტების გაშვებას. ეს არის პატრიოტი. სისტემის განადგურება რაღაც "კინჟალით" შეუძლებელია. ამიტომ, რასაც იტყვიან, დარჩეს მათი პროპაგანდის არქივში", - თქვა მან.
იგნატმა ვერ დაასახელა რა იყო 16 მაისის ღამეს კიევის თავზე ჩამოგდებული 6 "კინჟალის" რაკეტის სამიზნე.
"ჩვენ არ ვიცით, სად უმიზნებდნენ ისინი, რადგან სამიზნეები განადგურდა. და კარგია, რომ ჩვენ არ ვიცით", - თქვა მან.
რუსეთის თავდაცვის სამინისტრომ სამშაბათს Telegram-ზე გამოქვეყნებულ პოსტში განაცხადა, რომ კიევზე ჰიპერბგერითი რაკეტა "კინჟალის" გამოყენებით გაანადგურეს "პატრიოტის" საზენიტო სარაკეტო სისტემა.
ამერიკელმა ოფიციალურმა წარმომადგენელმა CNN-ს განუცხადა, რომ ამერიკული წარმოების Patriot საჰაერო თავდაცვის სისტემა სავარაუდოდ დაზიანდა, მაგრამ არ განადგურებულა.
