რუსეთში, კრემლის პროპაგანდისტული ტელევიზია "პირველი არხი" პრიგოჟინის აჯანყებას სპეციალური საინფორმაციო გამოშვებით გამოეხმაურა.
პირდაპირ ეთერში მათ წაიკითხეს რუსეთის თავდაცვის სამინისტროს, ФСБ-სა და სხვა უწყებების განცხადებები, რომლებიც აჯანყებას გმობდნენ და "ვაგნერელებს" მოუწოდებდნენ, არ მიეღოთ მასში მონაწილეობა.
გამოშვებაში ისაუბრეს იმაზეც, რომ "ვაგნერის" დაჯგუფების ბანაკზე რუსეთის თავდაცვის სამინისტროს თავდასხმის შესახებ გავრცელებული ინფორმაცია ტყუილია.
ცნობისთვის, ამ დროისთვის რუსეთში დაძაბულობაა. სიტუაცია მას შემდეგ აირია, რაც დაჯგუფება "ვაგნერის" ხელმძღვანელმა ევგენი პრიგოჟინმა რუსული არმია "ვაგნერის" ბანაკებზე სარაკეტო თავდასხმაში დაადანაშაულა. ის ამბობდა, რომ დაქირავებულთა დიდი რაოდენობა დაიღუპა.
"ჩვენ 25 000 ვართ და მივდივართ ბოროტების დასასრულებლად... ეს სამხედრო გადატრიალება არაა, ეს სამართლიანობის მარშია. ჩვენი ქმედებები ხელს არ უშლის ჯარის მოქმედებას... შოიგუ წითელ მოედანზე უნდა ჩამოახრჩონ და ლენინთან ერთად მავზოლეუმში დააწვინონ", - თქვა მან.
პრიგოჟინის ბრალდება რუსეთის თავდაცვის სამინისტრომ უარყო და თქვა, რომ "ვაგნერის" ბანაკებზე სარაკეტო თავდასხმის მტკიცებულებები "რეალობას არ შეესაბამებოდა".
სწორედ პრიგოჟინის ამ განცხადებებზე აღძრა საქმე რუსეთის ФСБ-მ და თქვა, რომ მიზეზი "შეიარაღებული აჯანყებისკენ მოწოდებაა". მოგვიანებით, პრიგოჟინზე სისხლის სამართლის საქმე რუსეთის პროკურატურამაც აღძრა.
ამ დროისთვის, მოსკოვში სამხედრო ტექნიკა გადაადგილდება. მანამდე ქალაქში "ციხის გეგმა" გამოცხადდა.
- "პუტინი საქმის კურსშია... ყველა საჭირო ზომა მიღებულია" | პესკოვი პრიგოჟინზე
- BAZA: როსტოვის პოლიციის განყოფილებებში "ციხის გეგმა" გამოცხადდა | ძალოვანი სტრუქტურები მზადყოფნაში არიან
- რუსეთში საკაბელო ტელევიზია გატეხეს და პრიგოჟინის მიმართვა გაუშვეს
- რუსეთში მიმდინარე მოვლენების ფონზე, კრემლი აქვეყნებს ვიდეოს, სადაც პუტინი ახალგაზრდებს ახალგაზრდობის დღეს ულოცავს
