თეა წულუკიანის მორიგი დაპირისპირება ხელოვანებთან. ათობით ადამიანს, იმათ, ვინც გუშინ ხელოვნების მუზეუმის დასაცავად და საქართველოს კულტურული მემკვიდრეობის გადასარჩენად შეიკრიბა, კულტურის მინისტრმა დასცინა.
წულუკიანმა საგანძურის მცველები ჩაფლავებული აქციების მონაწილეებად მოიხსენია და ცოცხალი ჯაჭვის ორგანიზებაში დახმარება შესთავაზა. განცხადება კი, კულტურის მინისტრმა ისე გააკეთა, რომ საჯარო ბრიფინგზე კრიტიკული მედია არ მიუწვევია და მხოლოდ ის მედიასაშუალებები დაპატიჟა, ვისგანაც არც კრიტიკას და არც ზედმეტ კითხვას არ ელის.
სამაგიეროდ, დღეს წულუკიანმა საჩუქარი მიიღო წითელი ინტელიგენციისგან და მწერლების ნაწილმა ღია წერილით მინისტრს მწერალთა სახლში დაუყოვნებელი რეფორმების ჩატარებისკენ მოუწოდეს. თუმცა ბოლოს გაირკვა, რომ ის მწერლები, ვინც განცხადების ავტორებად იყვნენ მოხსენიებულნი, ღია წერილის შინაარსს საჯაროდ გაემიჯნენ და ღიად თქვეს, რომ მათთვის უცნობია, ვისი ინივიატივით შეიქმნა მიმართვა და როგორ მოხვდა მათი სახელები და გვარები წერილში.
იხილეთ ასევე:
- ანონიმური წერილი საბჭოთა სტილში - მწერლები ხელმოწერას უარყოფენ
- თუ მომავალში დააპირებენ ჯაჭვის შექმნას, შეგვიძლია დავეხმაროთ, ჯაჭვის რგოლებად ვიმუშაოთ - წულუკიანის ირონია
- "ვისაც უნდა შრომა, შრომობს. ვისაც ყვირილი უნდა, ყვირის" - წულუკიანი
- "ჩვენ ეკლესიასთან ვაწარმოეთ კონსულტაციები და შევთანხმდით" - წულუკიანი ხელოვნების მუზეუმის ოქროს ფონდზე
- წულუკიანმა ბრიფინგზე არცერთი ოპოზიციური არხი არ მიიწვია, ამას ჰქვია ცენზურა - ნიკა გვარამია
- "სრულად ვემიჯნები წერილის პათოსს" - ელდინო საღარაძე მწერალთა აკადემიას ტოვებს
