"მე ვტოვებ დაცვის პოლიციის დეპარტამენტს" | შსს პროტესტის ნიშნად კიდევ ერთმა პოლიციელმა დატოვა
გამოქვეყნდა:
შინაგან საქმეთა სამინისტრო პროტესტის ნიშნად კიდევ ერთმა პოლიციელმა დატოვა. ამჯერად თანამდებობა დატოვა სამეგრელო-ზემო სვანეთის დაცვის პოლიციის თანამშრომელმა, გოჩა კვარაცხელიამ.
ვმუშაობ დაცვის პოლიციის დეპარტამენტის უმცროსი ინსპექტორის თანამდებობაზე. პროტესტს ვუცხადებ პოლიციის თანამშრომლების უკანონოდ დაკავებულების ბატონ ლექსო რაფავასა და სხვა პოლიციელებს, ვინც უკანონოდ არიან დაკავებულები. მე ვტოვებ დაცვის პოლიციის დეპარტამენტის ძალოვან სტრუქტურას, - ამბობს კვარაცხელია.
ცნობისთვის, სამეგრელოში ხელისუფლებამ ყოფილი ძალოვნების წინააღმდეგ სპეცოპერაციების სერია 21 ოქტომბერს, გვიან ღამით დაიწყო. დააკავეს ყოფილი ძალოვანი ლექსო რაფავა, ხოლო ზუგდიდში გაჩხრიკეს ასევე ყოფილი პოლიციელის, რუსლან შამახიას სახლი. იმავე დღეს სპეცოპერაცია ჩაატარეს თბილისში და დააკავეს კიდევ კუდ-ის უფროსის ყოფილი მოადგილე გიორგი დათიაშვილიც. ორივე დაკავებულს სასამართლომ აღკვეთის ღონისძიების სახით პატიმრობა შეუფარდა. მათ გამოძიება ცეცხლსასროლი იარაღისა და საბრძოლო მასალის შეძენა-შენახვას ედავება.
- შსს პროტესტის ნიშნად კიდევ ერთმა პოლიციელმა დატოვა
- მე ვემსახურები საქართველოს და არა რომელიმე პარტიას - შსს კიდევ ერთმა პოლიციელმა დატოვა
- "ეს ჯაჭვი აუცილებლად გაგრძელდება" - კრიმინალური პოლიციის თანამშრომელმა შსს დატოვა
- ჩემთვის კატეგორიულად მიუღებელია ყოფილი პოლიციელების დევნა - შსს პოლიციის მაიორმა დატოვა
- ზუგდიდში, პატრულ-ინსპექტორმა პროტესტის ნიშნად თანამდებობა დატოვა - ექსკლუზივი
- "არ მაქვს უფლება კაბინეტიდან ვუყურო ასეთ ფაქტებს" - სამეგრელო - ზემო სვანეთის სასაზღვრო პოლიციის სამმართველოს უფროსმა თანამდებობა დატოვა
