უკრაინელი სახალხო დამცველი, ლუდმილა დენისოვა ამბობს, რომ საქართველოში შემოსვლისას თბილისის აეროპორტში ისიც დააყოვენს. მისი თქმით, აეროპორტში 40 წუთის განმავლობაში კითხავდნენ. ამ თემაზე სახალხო დამცველმა მას შემდეგ ისაუბრა, რაც მიხეილ სააკაშვილს შეხვდა.
"მინდა გუშინ თბილისის აეროპორტში მომხდარ ფაქტზეც ვისაუბრო. მესაზღვრეებმა გამაჩერეს და მთელი 40 წუთის განმავლობაში მკითხავდნენ - აინტერესებდათ საქართველოში რატომ ჩამოვედი ან რა საქმე მქონდა. საქართველოს ტერიტორიაზე შესვლის უფლება რამდენიმე ზარის შემდეგ მომცეს. ეტყობა რომ რაღაცა წესრიგში არ არის", - თქვა ლუდმილა დენისოვამ.
დენისოვამ მესამე პრეზიდენტთან შეხვედრის შემდეგ ასევე აღნიშნა, რომ მიხეილ სააკაშვილის უფლებების შესახებ მომზადებულ ანგარიშს ევროპარლამენტარებს, დიპლომატებს და უკრაინის პრეზიდენტს გაუგზავნის.
ამავე თემაზე:
- საქართველოში მიხეილ სააკაშვილის ოფისის ხელმძღვანელი და მისი მოადგილე არ შემოუშვეს - რადას დეპუტატები თბილისში;
- თბილისში უკრაინელი ჟურნალისტი, დიმიტრი გორდონი არ შემოუშვეს;
- მიზეზები არ ამიხსნეს - საქართველოში მიხიელ სააკაშვილის უკრაინელი ადვოკატი არ შემოუშვეს
