ოჯახის ინფორმაციით, საგამოძიებო სამსახურმა გოგაშვილის მიმართ სავარაუდო ძალადობაზე გამოძიება დაიწყო
გამოქვეყნდა:
ოჯახის ინფორმაციით, სპეციალურმა საგამოძიებო სამსახურმა სუს-ის ყოფილი მაღალჩინოსნის, სოსო გოგაშვილის მიმართ სავარაუდო ძალადობაზე გამოძიება დაიწყო. გოგაშვილის შვილი ამბობს, რომ საგამოძიებო სამსახურიდან მას უკვე დაუკავშირდნენ, თუმცა, უწყებას ოფიციალური განცხადება ამ დროისთვის არ გაუვრცელებია.
სოსო გოგაშვილის ოჯახის წევრები ამბობენ, რომ სპეცოპერაციის დროს სამართალდამცველებმა გოგაშვილზე ფიზიკურად იძალადეს. გარდა ამისა, ისინი კონკრეტულ სახელსა და გვარს ასახელებენ. მათი ინფორმაციით, გოგაშვილს ფიზიკური შეურაცხყოფა გიორგი ღამბაშიძემ მიაყენა. შესაბამისად, არ არის გამორიცხული, რომ ღამბაშიძეს საგამოძიებო უწყებაში მოსვლა მოუწიოს. ასევე გამოიკითხებიან გოგაშვილის ოჯახის წევრებიც.
ცნობისთვის, სოსო გოგაშვილი სპეცოპერაციის შედეგად 16 ივლისს დააკავეს. მას გამოძიება სსკ-ის სამი მუხლით გათვალისწინებული დანაშაულის ჩადენას ედავება, მათ შორის არის იარაღის უკანონო შეძენა-შენახვა-ტარება, სამსახურებრივი უფლებამოსილების გადამეტება და პერსონალური ინფორმაციის ხელყოფა.
ამ წუთებში კი სუსის შენობაში სოსო გოგაშვილს ბრალს ოფიციალურად აცნობენ.
ამავე თემაზე:
- დაადასტურა, რომ მეუფე იაკობმა ლიკვიდაციაზე გააფრთხილა, ინფორმაცია კალაძესაც მიაწოდა - გოგაშვილის ადვოკატი
- აქვს გეგმა და ეტაპობრივად გააჟღერებს, ხელისუფლების ყველა შტოს ამხელს - გოგაშვილის ადვოკატი
- "ის დღეს არის პოლიტიკური პატიმარი... ამდენი წელი რას აკეთებდნენ, თუ დამნაშავე იყო?!" | სოსო გოგაშვილის შვილები
- "საქართველოში იმედი არ მაქვს, რომ სიმართლეს დავამტკიცებთ, თუ როგორ ჩაუდეს ჩემს მეუღლეს ორი იარაღი..." - გოგაშვილის ცოლი
- ლოყა აქვს შეშუპებული, დაზიანებები აქვს იდაყვის არეში, ფეხებზე აღენიშნება სისხლნაჟღენთები - სოსო გოგაშვილის ადვოკატი
- "გოგაშვილს გაშლილ ხელებზე უდებდნენ კონკრეტულ იარაღს, სავარაუდოდ, ანაბეჭდებისა და დნმ-ის გადატანის მიზნით" - ადვოკატი
- დოკუმენტი გასაჯაროვდება დაახლოებით 10 დღის განმავლობაში...ასახავს მტკიცებულებას რამდენიმე არჩევნების გაყალბებაზე | გოგაშვილის ადვოკატი
- გოგაშვილის გახმაურებული საქმეები - ყოფილი მაღალჩინოსანი დაკავებამდე "ოცნებას" დაემუქრა
