"პრემიერმინისტრის თქმით, საქართველოს დასავლეთის მიერ რუსეთის წინააღმდეგ სანქციებზე მიბმა "სასაცილოა", - ამ სათაურით აქვეყნებს სტატიას გამოცემა Politico და კატარში, ირაკლი ღარიბაშვილის სიტყვით გამოსვლას ეხმაურება.
მედიასაშუალება ციტირებს ღარიბაშვილს, სადაც ის ამბობს, რომ საქართველოსა და რუსეთს შორის ვაჭრობის შეფერხება რუსეთის ეკონომიკაზე მცირე გავლენას მოახდენს. მათივე ცნობით, საქართველოს პრემიერმინისტრი უარყოფს ევროკავშირის წინადადებას სანქციების დაწესების შესახებ იმ მესამე ქვეყნებისთვის, რომლებიც მოსკოვთან საქმიან ურთიერთობას განაგრძობენ.
"რუსეთი საქართველოს სიდიდით მეორე სავაჭრო პარტნიორია", - წერს გამოცემა და განმარტავს, რომ 2022 წელს, ორ ქვეყანას შორის სავაჭრო ბრუნვამ 2,5 მილიარდ დოლარს მიაღწია. ამ ინფორმაციას ის საქსტატზე დაყრდნობით ავრცელებს.
იხილეთ ფრაგმენტები ღარიბაშვილის პრორუსული გამოსვლიდან:
- ღარიბაშვილმა კატარშიც გაიმეორა კითხვა - "ჩვენი ომი არ არის ომი და უკრაინაში არსებული ომი ომია?!"
- უკრაინის 20% ოკუპირებულია, საერთაშორისო თანამეგობრობა სამშვიდობო საუბრებისთვის საკმარისს არ აკეთებს - ღარიბაშვილი
- უკრაინელებმა საჯაროდ განაცხადეს, რომ უნდათ მეორე ფრონტის ნახვა საქართველოში - ღარიბაშვილი
- მე მშვიდობის ადამიანი ვარ - ღარიბაშვილი
- რუსეთთან ფრენები ჩვეულებრივი ამბავია - ღარიბაშვილს ჰკითხეს ხომ არ ჯდება პუტინის ნარატივში
- მიხეილ სააკაშვილი ციხეში კი არაა, კერძო კლინიკაშია - ღარიბაშვილი
- საქართველოს ეკონომიკა დაინგრევა, თუ სანქციებს დავუწესებთ რუსეთს - ღარიბაშვილი
