საქართველო არ უნდა გადაიქცეს რუსეთისთვის სანქციების გვერდის ავლის პლატფორმად - ეს არის სანქციების კოორდინატორების მთავარი გზავნილი "ოცნების" ხელისუფლებისთვის. ორდღიანი შეხვედრების შემდეგ ევროკავშირის შეერთებული შტატებისა და დიდი ბრიტანეთის წარმომადგენლები ქვეყანას მმართველი გუნდის კონკრეტული გარანტიებით ტოვებენ, და სწორედ ამ გარანტიების შესრულებაზე იქნება დამოკიდებული აღმოჩნდება თუ არა საქართველო საერთაშორისო წნეხის ქვეშ.
თბილისში მყოფ სანქციების ტრიოს არც ის დაუმალავს იმედგაცრუება, რომ ქვეყანა რუსეთისთვის დაწესებულ საერთაშორისო შეზღუდვებს ამ დრომდე არ უერთდება.
იხილეთ ასევე:
- საქართველო არ უწესებს სანქციებს რუსეთს, რაც ერთგვარად შემაშფოთებელია - დევიდ ო’სალივანი
- სანქციებისთვის თავის არიდება ხდება ძირითადად სახმელეთო გზით, თუმცა საჰაერო მიმოსვლაზეც უნდა გამკაცრდეს კონტროლი - კუმარ აიერი
- ჩვენი ჩამოსვლის მიზანი 38 დასახელების ელექტრომოწყობილობა იყო - სანქციების კოორდინატორი
- ჩვენი მთავარი მიზანია, რომ რუსეთმა არ მიიღოს ის იარაღი, რითიც ახორციელებს ამ აგრესიულ ომს და კლავს ხალხს - ობრაიენი
- რუსეთი ეცდება შავი ხვრელები გამონახოს, რომ აიცილოს სანქციების ქვეშ მოხვედრა და ამის გასარკვევად ვართ ჩამოსულები - კუმარ აიერი
